Editor in Chief: Ismael  Alwaely

Editorial secretary: Samer  Al-Saedi

Journalist: Makram   Salih

Journalist: Saif  Alwaely

Journalist: Ibnyan   Azeezalqassab

Editor: Aboalhassan   Alwaely

Reporter: Abdulhameed   Alismaeel

مقالات وأبحاث
الاثنين, أيار 1, 2023
الثلاثاء, نيسان 25, 2023
الأربعاء, نيسان 19, 2023
السبت, نيسان 15, 2023
الجمعة, نيسان 1, 2022
الأحد, آذار 13, 2022
الأربعاء, شباط 16, 2022
الثلاثاء, شباط 15, 2022
السبت, حزيران 3, 2017
السبت, أيار 20, 2017
السبت, أيار 13, 2017
الجمعة, أيار 12, 2017
الاثنين, أيار 1, 2017
1
2
3
4
5
6
   
ليالي قريش.. الليلة التامنة
الثلاثاء, آذار 3, 2015
مؤمن المحمدي

إيه النقلة اللي عملها قصي في مكة؟

فيه فرق بين إنه مكان يبقى سوق، وإن المكان ده يتحول لـ مركز تجارة، السوق هو نقطة بـ يحصل فيها بيع وشرا، بـ ييجي تجار معاهم سلع، وياخدوا مكانها سلع أو دهب أو فضة وخلافه، لكن مركز التجارة ده مكان بـ يتولى عملية نقل البضايع من مكان لـ مكان.

الخزاعيين لما تولوا مكة، خلوها من مكان غير موجود فـ الوجود لـ سوق، نقطة محدودة ومحددة بـ ييجي لها تجار في مواسم، التجار دول كانوا من اليمن أو من الحبشة أو الشام، وهكذا، وبـ التالي تحولت مكة في عهدهم لـ مكان ممكن يتشاف على الخريطة الدولية، صحيح مكان قليل القيمة  يتشاف بـ ميكرسكوب، لكنه ممكن يتشاف.

قصي بقى هو اللي حولها لـ مركز تجارة، صحيح مركز تجارة على قده خالص، صحيح مداه على نطاق ضيق، صحيح حجمه محدود، صحيح مش بـ يشكل تهديد ولا خطر على حد، بس في النهاية بقى مركز تجاري يتمتع بـ شيء كبير من الاستقلال، وبدال ما مكة بقت ممكن تتشاف بـ ميكروسكوب،  بقت ممكن تتشاف بـ العين المجردة، ولو كـ نقطة صغيرة في قلب الجزيرة العربية.

إيه اللي كان ناقص الخزاعيين، وامتلكه قصي، خلاه يتمكن من النقلة دي؟

فيه ظروف ذاتية تخص القائمين على أمر مكة، وفيه ظرف موضوعي، يخص الخريطة الدولية.

نبدأ بـ الظرف الموضوعي:

من قبل الإسلام بـ حداشر قرن، وفيه صراع دامي بين الفرس والروم، صراع تفاصيله كتيرة وتعقيداته أكتر، وأسر استلمت الحكم من أسر وممالك قامت وممالك انهارت، وممالك قامت وانهارت، بس اللي يهمنا في سياقنا ده حاجتين:

الأول: إن السيطرة على طرق التجارة كان من أهم الأمور اللي بـ يدور حواليها حواليها الصراع، لأنه طبعا اللي يقدر يسيطر على التجارة، يقدر يسيطر ع السلع الحيوية، ويتحكم في أسعارها.

التاني: إيه موقع العرب من الصراع ده؟

خلينا نقول إن الشام والعراق واليمن والمدن المطلة على الخليج مباشرة (يعني مش قلب الجزيرة) كانت أطراف في هذا الصراع، ولذلك قامت فيها ممالك لعبت أدوار تتراوح ما بين حروب الوكالة، والوساطة. الممالك دي تفاوتت في حجمها، وفي درجة استقلالها، أو تبعيتها لقوى من القوتين الأكبر، زي مملكة تدمر في سوريا، وسبأ في اليمن وهكذا.

أما قلب الجزيرة، خصوصا الحجاز واليمامة، (الحجاز بالذات لأنه موضوعنا، وأبرز مدنه مكة ويثرب والطائف) فـ ده كان بعيد عن الأمور دي، ومش بـ مزاج حد، لأن محاولات إدخال المنطقة دي في التجارة فشلت فشل ذريع، وأبرزها محاولة حصلت سنة 25 ميلاديا، في عهد أغسطس قيصر، اللي جهز حملة كبيرة بـ قيادة واحد اسمه جالوس، والحملة دخلت الصحرا تاهت جواها، وتقريبا حصل لهم اللي حصل بعديييين لأبرهة الحبشي وجيشه. وده قصته جاية بـ التفصيل.

لكن هل المحاولات توقفت؟

ابن قتيبة بـ يذكر إن قيصر الروم كان له دور في تمكين قصي من حكم مكة، وأنا مش الناس اللي بـ تحب في الحاجات دي، وأبني عليها استنتاجات، وأعمل كتاب أسميه "قريش البيزنطية" مثلا، خصوصا إن قصي اشتغل ضد مصالح القيصر زي ما هـ نشوف.

لكن لـ محاولة وضع الأمور في حجمها وسياقها، أقول إن اللي بـ أستفيده من ملاحظة زي دي، إن العالم فعلا كان محتاج إدخال المنطقة دي في حركة التجارة العالمية، لكن طبيعة العرب وطبيعة منطقتهم، وطبيعة تفكيرهم، كان مانع ده، وده اللي يخلي فيه جملة منسوبة لـ حاكم فارسي عن العرب تنتشر، وهي: "نحن لا نرغب أبدا في صداقتهم أو عداوتهم".

قصي بقى هو اللي نقل مكة النقلة دي، وتغلب على ظروفها الذاتية!

ازاي؟

ده موضوع الليلة التاسعة.

استنونا

 

مقالات اخرى للكاتب

 
أضف تعليق
نطلب من زوارنا اظهار الاحترام, والتقيد بالأدب العام والحس السليم في كتابة التعليقات, بعيداً عن التشدد والطائفية, علماً ان تعليقات الزوار ستخضع للتدقيق قبل نشرها, كما نحيطكم علماً بأننا نمتلك كامل الصلاحية لحذف اي تعليق غير لائق.
الاسم :

عنوان التعليق :

البريد الالكتروني :

نص التعليق :

1500 حرف المتبقية
أدخل الرقم من الصورة . اذا لم تستطع القراءة , تستطيع أن تحدث الصورة.
Page Generation: 0.51438
Total : 101