Editor in Chief: Ismael  Alwaely

Editorial secretary: Samer  Al-Saedi

Journalist: Makram   Salih

Journalist: Saif  Alwaely

Journalist: Ibnyan   Azeezalqassab

Editor: Aboalhassan   Alwaely

Reporter: Abdulhameed   Alismaeel

مقالات وأبحاث
الاثنين, أيار 1, 2023
الثلاثاء, نيسان 25, 2023
الأربعاء, نيسان 19, 2023
السبت, نيسان 15, 2023
الجمعة, نيسان 1, 2022
الأحد, آذار 13, 2022
الأربعاء, شباط 16, 2022
الثلاثاء, شباط 15, 2022
السبت, حزيران 3, 2017
السبت, أيار 20, 2017
السبت, أيار 13, 2017
الجمعة, أيار 12, 2017
الاثنين, أيار 1, 2017
1
2
3
4
5
6
   
رِحلة إكمال معاملة التقاعد تبدأ بخطوة... سامر رسن
الجمعة, أيلول 12, 2014

المفروض مِن منتسبي الجيش وباقي الأجهزة الأمنيه ما يفكرون إنهم يُضحون بأنفسهم في سبيل وطن،وإنما من أجل اي شيء اخر يرونه مقدس،لأنه بعد إستشهادهم فأن أي شخص من اقاربهم عند مراجعته لدوائر الدولة للحصول على مستحقاتهم ومخصصاتهم التقاعدية،راح يكفر بالوطن وأبو الوطن بسبب الذله والإهانة التي سيتعرض لها في هذه الدوائر.... 

فحتى أكَمِل مُعاملة التقاعد الخاصة بأخي الشهيد بوزارة الدفاع وبسبب الازدحامات وقطع الطرق،يومين اني أصعد وانزل جسر الجمهورية مشي،شنهي يا الهي مقاول واريد اشوف الجسر كم متر حتى أبلطه،من بعد عيني عينك....

حاير شأسولف ومنين أبدي،وعيونكم كفرت بالوطن،يعني أجي مترهي ومسيطر لموظف الحوانيت حتى اكمل براءة الذمه حسبالي صدگ اني بوطن ديمقراطي متحضر يحترم الشهيد والمواطن:

*السلام عليكم،العفو أخي عندي معاملة شهيد،وصارلي يومين بايت بالدولعي واريد ارجع لأهلي بالحي التابعه لواسط،بلكي تكملي براءة الذمه هاي...

--أخويه نص ساعه وتعال الموظفين ديتريكون،والله بطران حسباله بس هو عنده شهيد....

*يلا ميخالف ما لحگوا يتريگون ببيوتهم،خلي اروح للموازنة...

*السلام عليكم اخيتي،العفو عندي معاملة شهيد،وصارلي يومين بايت بالدولعي واريد ارجع لأهلي بالحي التابعه لواسط،بلكي تكمليلي براءة الذمه هاي...

--دقيقه...اكولچ رؤى شفتي برج العذراء اليوم،يگولي راح تسمعين خبر كولش حلو من الحبيب بس ما حدد يا حبيب منهم،إي ميسون حبيبتي واني برج الدلو يگولي إنه الحبيب راح يبطل يلعب بذيله ويجر عدل....

العفو اخويه إنت شنو؟

*اني الثور يابعد أخوچ وطوايفه،اقصد برج الثور،لأن مواليدي1-5وحتى يصادف عيد العمال...

--اخويه منو سائلك على برجك؟،ليش ما تجي تاكل چبس ويانه على الواهس؟،صدگ لو گالوا محافظات مشايفين،عيد ميلاده،مو على أساس هو توم كروز،قصدي إشعندك هنا واگف شتريد؟....

*عندي معاملة شهيد أخيتي،وصارلي يومين بايت بالدولعي واريد ارجع لاهلي بالحي التابعه لواسط،بلكي تكمليلي براءة الذمه هاي...

--يبوووووي والله ثبرتني،عدنه إجتماع هسه،ساعه وتعال...

*يلا..على ما جماعة الحوانيت يتريگون وعلى ما موظفات الموازنة يخلصَّن إجتماعهن مع الأبراج،اروح اكمل المعاملة من شعبة الرواتب...

* السلام عليكم سيادة المُقَدم،العفو عندي معاملة شهيد،وصارلي يومين بايت بالدولعي واريد ارجع لاهلي بالحي التابعه لواسط،بلكي تكملي براءة الذمه هاي...

--اخويه انت جاي تطلب إيد بنتي لو تراجع بمعاملة؟شنو منطيني عنوانك الكامل وداگلي فلم اليتيم؟،روح أوگف بالباب من اكمل شغلي انادي عليك....

*يلا ميخالف،اروح لمديرية التدقيق اكمل المعاملة على ما جماعة الحوانيت يتريگون وعلى ما موظفات الموازنة يخلصَّن إجتماعهن وعلى ما ابو الرواتب يخلص شغله...

*السلام عليكم سيادة العميد،العفو عندي معاملة شهيد،وصارلي يومين بايت بالدولعي واريد ارجع لاهلي بالحي التابعه لواسط،بلكي تكملي براءة الذمه هاي...

--اي إبني تدلل،والبقية بحياتك،وبفضل دم اخوك ودماء باقي الشهداء إحنه جالسين هنا على التبريد وبهاي المكاتب "يا ألله چنهه فرجت"،استريح ابني،جيبوله ماي وچاي،هسه دقائق ومعاملتك تكون جاهزة وترجع للحي،وأمانه تصليلي ركعتين بمرقد سعيد بن جبير.

*لا تكلف نفسك سيدي،وروح أبوك ها،اصليلك ليلة القدر كلها،بس كملي المُعامله فدوه لعينك.. 

--هاي شنو..،شو معاملتك بعدها فارغه،گوم ابني گوم،لازم تكملها بالاول من الحوانيت،وبعدين من الموازنه،وبعدين من الرواتب وبعدين تاخذها صادرة ووارده وبعدين تجيني وبيك خير وتدلل...

*تِسلم سيدي ما قصرت،بس لو مخليني على الاقل أشرب استكان الچاي..


اقرأ ايضاً

 
أضف تعليق
نطلب من زوارنا اظهار الاحترام, والتقيد بالأدب العام والحس السليم في كتابة التعليقات, بعيداً عن التشدد والطائفية, علماً ان تعليقات الزوار ستخضع للتدقيق قبل نشرها, كما نحيطكم علماً بأننا نمتلك كامل الصلاحية لحذف اي تعليق غير لائق.
الاسم :

عنوان التعليق :

البريد الالكتروني :

نص التعليق :

1500 حرف المتبقية
أدخل الرقم من الصورة . اذا لم تستطع القراءة , تستطيع أن تحدث الصورة.
Page Generation: 0.46126
Total : 100