بوياي , شكبرها , صدك جذب , أبو حسوني راح أيصير وزير الداخليه .. أنا غلام أبوي .. ولكم شراح أيجرعه .. وجماله أربع سنين .. وين ننطي وجوهنا ..جان وزير النقل , وحسوني , خادم العراقيين , نزل طياره من الجو ..أذا أبوه صار وزير الداخليه , شراح أينزل حسوني .. يا كاع أخذينه وطمينه ,  صارت مزعطه , والله يكون بعون هذا الشعب الخرطي , اللي صام وفطر على جريه.. جاه مو هذا كاسر الامواج , اللي رسم خرايطه أبو حسوني , وغلس على الملايين من الدولارات اللي صرفت على دبلين صخور بميناء أبو فلوس , وصار هسه مزبله وكله خره .. ولكم والله عيب وخزي ..

الداخليه , يالعبادي , مو عفتره ولوي ذراع .. ومو كلمن صخم كصته , كال أني حداد .. هذا الوطن اللي زربتو بيه , يحتاجله , أنسان , مو رئيس عصابه .. ولا سامح الله , لو أسندت حقيبة الداخليه الى هادي العامري , راح نعيد ثقافة القسوه والجبروت , اللي جانو يعانون منها , الاسرى العراقيون في سجون الاحتلال الايراني , وشلون جان أبو حسوني , يبطش بالاسرى العراقيين , حتى كان أقسى من داعش المجرمة .. وأني متأكد أكو هوايه عراقيين , يعرفون من هو أبو حسن..

 ويالعبادي , دع العامري , يزعل ويرعد , ويطلع من الحكومة , أحسن من أيصخم كصة حكومتك .. الوضع يا ريس حكومتنا , كلش خطير وكارثي , وعليك أن تختار وزيري الداخليه والدفاع بحذر وبالقسم اللي رددته .. اللهم أشهد أني بلغت ..