اليوم على توقيت امريكا مو توقيتكم . كان حوار ع بي بي سي الامريكية لجس نبض الشارع الامريكي ، هل نرسل جنود للعراق نقاتل داعش ؟ نكعد ونسكت ؟ وشارك بالنقاش خبراء واحد من الامارات علي نسيت اسم ابوه يمكن خضري ، واحد من لندن ، واحد من امريكا . طبعا علي اشتغل مستشار خاص لخمس سفراء امريكان في بغداد ، المهم ، اتصل احد الاشخاص اسمه محمد من الرقة السورية جان يكول : داعش صناعة مخابرات امريكية اسرائيلية .وبدعم من قطر والسعودية وتركيا . ابو بكر البغدادي يسكن امام بيتي في الرقة . ويجب ضرب داعش وتدميرهم .
اي والعباس عم النبي ,, هذا المتصل دوخ الخبراء والمستمعين في امريكا ,, خرب عرضك بشار الاسد خوش تشتغل ...!!!!! جان يرد عليه الخبير علي من الامارات بالقول : خالي قلل من مشاهدتك للافلام الهوليدية ... ايباخ ايباخ شلون رد قاسي من هذا الخرير الدولي .
واضاف الخرير الدولي من الامارات ؛ ولك شنهي السالفة اصلا حتى مفتي السعودية امس اعتبر داعش ضد الاسلام وكفار ؛ ولا تنسى موقف دول الخليج في محاربة الارهاب .!!!!
المهم ؛ كل الخبراء ماوصلوا الى نتيجية .. عمي يا نتيجة السالفة واضحة كلش .. داعش يجب ان تحارب من الجميع اولهم تركيا والسعودية وقطر ، حرب مادية ومعنوية ، ماكو غير تشكيل حلف دولي تقوده الولايات المتحدة ضد داعش وتدفع المصاريف قطر العظمى والا القرار الاخير ينطبق عليها لان كل الادلة تقول انها تدعم الارهاب في العراق وسوريا . 
وحلف عراقي داخلي تقوده الحكومة العراقية . حلفان يتحدان يعملان معا للقضاء على داعش .
طاحظ الخليفة .