Editor in Chief: Ismael  Alwaely

Editorial secretary: Samer  Al-Saedi

Journalist: Makram   Salih

Journalist: Saif  Alwaely

Journalist: Ibnyan   Azeezalqassab

Editor: Aboalhassan   Alwaely

Reporter: Abdulhameed   Alismaeel

مقالات وأبحاث
الاثنين, أيار 1, 2023
الثلاثاء, نيسان 25, 2023
الأربعاء, نيسان 19, 2023
السبت, نيسان 15, 2023
الجمعة, نيسان 1, 2022
الأحد, آذار 13, 2022
الأربعاء, شباط 16, 2022
الثلاثاء, شباط 15, 2022
السبت, حزيران 3, 2017
السبت, أيار 20, 2017
السبت, أيار 13, 2017
الجمعة, أيار 12, 2017
الاثنين, أيار 1, 2017
1
2
3
4
5
6
   
إحنا شيعة لو شنيعة ..!
الأربعاء, تموز 30, 2014
احمد الياسري

الله يرحمچ ياحبوبتي العلوية چانت متدينة كلش وتستنجس من كلشي وتستحرم بحيث چانت من يطلع مذيع بالتلفزيون تتغشة .. اگلها حبوبة ليش تتغشين ؟ تگولي چا اشلون يحبوبة تريدني افرع جدام زلمة غريب ..! 
ومن المقولات المأثورة لحبوبتي من اسألها إحنا شيعة چانت تگولي يحبوبة هاي الوادم شنيعة مو شيعة متبري منها علي بن ابي طالب عليه السلام ، الشيعة يحبوبة ربع الحسين اليموتون على الحگ مايباتون على ضيم وينطون حگ الله موش هاي الوادم المگلبة المالها راس ولا رجلين .. حبوبة شنو رايچ اني من الشيعة لو من الشنيعة ؟؟ والله يحبوبة انت هم هتلي ومتبري جدك منك اكو واحد يصلي صلاة الصبح العصر كلكم شنيعة مابيكم شيعة ..! 
چنت اضحك على سوالف حبوبتي ونقدها الحاد ، وبمرور الزمن اول دولة شيعية عشت بيها ايران واكتشفت ان شيعة ايران ناس منظمين متكاتفين عدهم اهداف ويعرفون شلون يحققون أهدافهم يختلفون بيناتهم بس مايتقاطعون على أهدافهم وطموحاتهم المشتركة .. اتذكر تعرفت بسدني على ايراني من جماعة مجاهدي خلق وچان يسب بالخامنئي من الصبح لليل ، فخابرته فد يوم گتله اغا رضا شنو رايك بمشروع ايران النووي ؟؟ گال هذا حقنا وغصبن على العالم يحترم حقنا بامتلاك النووي . گتلة يعني انت مو معارض ؟ گال اني معارض للنظام بس مامعارض لبلدي ايران واني والنظام أثنينا نوگف ضد العالم من اجل ايران .. صفنت على هذا الشيعي المعتبر واتمنيت شيعة العراق يكونون بهذا الفهم وهاي الروحية. 
الشيعة اللبنانيين أيضاً مليون حزب عدهم بس كلهم گلب على گلب وصايرين كتلة واحدة ما ينعرف اسلاميهم من شيوعيهم من بعثيهم ،، يختلفون وي نصرالله بس ماينطون بي .. حاربوا العالم كله بس لا خلوا فاشل يقودهم ولا گدر غريب يخترقهم عشرين زلمة ومخوفين العالم كله ..والمابي حظ يعزلونه ومايخلونة يمثلهم لذلك صعب تجد قيادات شيعية فاشلة بلبنان لو طارئة،
شيعة افغانستان كان اغلبهم يشتغلون عمال بإيران حتى يدعمون حزب الوحدة الشيعي وعاشوا بنص دولة طالبان وهمه أقلية ومحد گدر يخترقهم لو يسيطر عليهم . 
شيعة اليمن التقيت بالكثير منهم في مدينة قم ناس مرتبين ودول حاربتهم ماگدرت تخترقهم والمعادلة السياسية باليمن بدون الاتفاق مع الحوثيين الشيعة ماتمشي ......
باكستان شيعتها أقلية قليلة بس الوهابية تتراجف منهم ويبتلي على عمره اليندگ بيهم ، 
شيعة الخليج بالبحرين والكويت والإمارات أيضاً مرتبين ويملكون قدرة مالية ضخمة ومسيطرين على اسواق المال ومرتبين أمورهم ... بس شيعة العراق لا الهم راس ولا رجلين على گولة حبوبتي ماتعرف شنهو اليردونه وشنهي المايردونه ؟ گظوا عمرهم مختلفين وواحد يجر بالطول وواحد بالعرض ،لاعدهم مشروع معلوم ولا قيادة سياسية منظمة قوية، ثلاث انتخابات وماانتخبوا غير الجعفري والمالكي واحد حكم سنة سلم اركاب الشيعة للزرقاوي وواحد سلم الشيعة والعراق لداعش .. والكارثة اولادهم اتعلگت روسها بساحات الموصل وانترست تكريت بجثث شبابهم وهمه بعدهم يتماطلون بيناتهم على ولاية الفشل الثالثة لنوري المالكي ومزعطة حزب الدعوة الحرامية ، 
اتمنى نوري المالكي قائد بإيران لو بلبنان والعباس چا علگوه من گرعته مو يسلمونه ولاية ثالثة . الشيعة بالمنطقة مؤثرين جدا الا إحنا شيعة العراق لا عارضنا صدام صح وسقطناه ولا من سقطته امريكا وسلمتنا الحكم عرفنا نحكم.. ناس فاشلين وجاي ندفع دم أولادنا ثمن لفشلنا ، 
داعش تحتل الموصل ثاني يوم الصرخي يحتل الحسين ، المليشيات نزلت بمناطقنا الشيعية گام تخطف وتاخذ خاوة ،، كتلنا البرلمانية معارك وي المالكي وشيعة ديالى والموصل انتهكت اعراضهم وتذبحت زلمهم
والكارثة ... خمس زعاطيط وهابية يطبون يعلگون روس ويحتلون بلدنا ..
عمي ياسيد حسن ابوس قندرتك ماتوديلنا واحد من زلمك الخشنة يقودنا ترة الوهابية وصلوا على اعتاب كربلاء واحنا ملتهين بولاية المالكي الكارتونية الثالثة ، وشبابنا اتذبحت وماعدنا زلمة بي حظ يقودنا في معركة غير متكافئة الأقلية تذبح الأغلبية ذبح النعاج وحقهم لان مالگوا شيعة مرتبين لگوا شنيعة على گولة حبوبتي واحد يصعد على اچتاف الثاني .. وفريخاتنا المكاريد اولاد ام المؤمنين عائشة طشروا روسهم بتكريت.

مع تحيات الكاتب الشنيعي
احمد الياسري

مقالات اخرى للكاتب

 
أضف تعليق
نطلب من زوارنا اظهار الاحترام, والتقيد بالأدب العام والحس السليم في كتابة التعليقات, بعيداً عن التشدد والطائفية, علماً ان تعليقات الزوار ستخضع للتدقيق قبل نشرها, كما نحيطكم علماً بأننا نمتلك كامل الصلاحية لحذف اي تعليق غير لائق.
الاسم :

عنوان التعليق :

البريد الالكتروني :

نص التعليق :

1500 حرف المتبقية
أدخل الرقم من الصورة . اذا لم تستطع القراءة , تستطيع أن تحدث الصورة.
Page Generation: 0.44777
Total : 101