سالفة...ولها رباط
بإحدى الدول البعيدة ....كلش بعيدة 
اختارو ريس جديد وفرحو وكيفو وهلهلو.والريس هذا أختار وزرائه حسب نظام الشركة الوطنية سيئ الصيت(مو مثلنا بالعراق حكومة تكنوقراط)
أحد وزراء بحكومة هاي الدولة راح المكتبه مغبش على باب الله.
أول ماكعد جابوله ريوك معلبات كيمر وجبن وحليب بس مارتاح للريوك ورة ما كمل وصى الخدم والحاشية أن يجيبون ثاني يوم ريوك طازج يعني من شجرة للخلاط ثاني يوم اجه الدوامة وشافهم جايبيلة هايشة ودجاجة ومطي
وجانت الحيوانات بدولتهم تحجي (مثل ماعدنة بعض الحيوانات تحجي وتارسين الفضائيات.
لذلك معالي الوزير سأل الهايشة شعندج أهنا 
وجاوبته والله معاليك كالو انته تريد حليب طازج 
من عندي وإني بالخدمة وسأل الدجاجة وانتي سيدي إني اجيت حتى ابيضلك وحتى لبخ اذا تريد البخلك الدجاج عدهم يحشش المهم
التفت للمطي وسأله انته شعندك اهنا ولك 
جاوبه المطي سيدي الله وكيلك انه(هم حالي حالك)ماادري ليش جابوني هناااااا..

علي السومري