"إشننسه"
هذوله احنه يهل تنشد علينه امنين
مينام ابسواد الليل واحدنه لونوبه انثلم رمحه
----
احنه الدله والديوان واحنا
امظيف للتعبان وحنه الزاد زاد ومانگص ملحه
----
احنه اهل الصبر
ياناس نصبر مانصيح احه
----
شحلات اللي يعرف
احساب ويشوف الخساره شسوت بربحه
----
الرجل لو زامط ايزامط
وصدره يصير مثل الحجر بيه جدحه
----
الرجل ميهاب من
الموت اويدچ الملحه نص جرحه
----
وذا واحد تعب
منه نگله اتكتر ابصفحه
----
لون زلمة سكت
علحگ من كل العشيره انگوم ونمسحه
----
مومنه اليسالم بينا
ويسكت نگله شيل ونصحه
----
انشدك انته يلملچوم هم
فديوم سمعيت الصگر للطير ذل جنحه
----
زلمة اليركب المهره
ويهد الجامه وتطفح فرد طفحه
----
عمت عينه اليگول
اليوم ننسى اشسوه ابن صبحه
----
اشننسه اتريد ابو الحسنين
عاش الظيم من ازبيره وطلحه
----
اشننسه اتريد ابو الكلفات
ثالث يوم ينزف ما بطل جرحه
----
اشننسه حسين لو عباس
ننسه ارظيعنه وذبحه
----
اشننسه الكاظم ابسجنه
گضاها ومامشه ابفسحه
----
اشننسه زينب الظلت وحيده
وما مش الها امعيل طول الليل تدعي الله يطر صبحه
----
اشننسه سكينه وام كلثوم
شافن ظيم وابد ماشافن الفرحه
----
اشننسه الصدر من ذبحوه
اشباه ارجال والله اعيونهم وكح
----
بس ابهاي ننسه احنه اذا
سمعيت كل البيض لونه اتغير ومحه
ابو حيدر اللامي / هولندا
