كلشي بهذا الوطن غامض..حتى اللي جابهم بوش أبن الملعونه ونصبهم علينه هم غامضين..ويلعبون ويانه كلمات متقاطعه كلش غامضه ..عفيه ملفات متخلص هذا عنده ملف ضد هذا وهذا عنده صخام بوجه هذا..ولكم تاليه وياكم ..فضوها وخلي واحد يكشف الثاني ..أنتم ما تستحون والمايستحي يفعل ما يشاء ..أنريد  صخل يطلع على التلفزيون ويشرح ألهذا الشعب النايم شنو ألاتفاقية الامنيه اللي وقعوها ويه الامريكان وشنو أتفاقية أربيل ومنين تتكون شنو أهدافها وشنو الخير اللي يجي من وراها.. شفتو أبن جلب طلع وفهم المواطن اللي أيفر أبذانه, هاي الهوسه اللي جايه أتصير ومنو السبب.. تحالف موزه لو الكورد لو تحالف أطلاعات.. طلع أبن كحبه وكال ليش أسدون الشوارع وتخلون المواطن ياخذها كرف من باب الشرجي للبياع سيرا على روح اللي خلفوكم..الشعب يسمع بمسرحية الانقلاب , زين هاي صحيحه لو فيكه من أبو سراوي بمناسبة الانتخابات .. سمعتو لجنه شكلتها حكومة الباشا أبو سراوي وجابت نتيجه وتوصلت الى أن فلان هو الفاعل..أحنه الشعب المعفن وبأسم الدستور اللي كتبتوه..أنطالب ريس وزراء العراق أن تكون جلسة أستضافته في مجلس النواب علنيه ومفتوحه لوسائل الاعلام ويجري نقلها مباشرة وبدون تقطيع بس مو من قناة العراقيه البايخه..وهم أنطالب أبو سراوي أن يفتح الملف الامني ويفهم الوادم التعبانه شنو كاعد أيصير بالبلد..ليش هاي التصفيات اللي جايه أتصير وللمرشحين بالانتخابات منو سببها ومنو الجهه اللي المستفيده من هذا الوضع ..ليش هاي الاعدامات السريعه ..أذا ذوله من القاعده لا والله حيل بيهم.. بس أخاف ذوله من وره المخبر السرسري ..وهذا حرام أبو سراوي ..أحنه أنريد من القايد العام للقوات المسلحه أيوضحلنه ليش بين فتره وفتره أتصير أختراقات أمنيه خطيره ويروح بيها ولد المسموطه .. منريد تبريرات من أبو سراوي .. ولا دكول أكو أمور فنيه ما لازم ريس الوزراء يتناولها كدام الشعب..أبو سراوي هو بقى شي مستور.. تره وداعتك كل الدول تعرف أنت أشلابس لباس ويا صبغ داهن شعرك ويا عطر أتخلي ..تره أبو سراوي بس شعبك أثول وطرن وكلشي ميعرف .. خلونه نعرف منين التقصير..يا كلب أبن كلب واكف بطريقنه وميخلي العراق يوكف على حيله ..مره وحده صيرو أشراف ..وكولو ليش هذا التناحر بيناتكم ..أشو فرهتو البلد وشكيتو على البطانه وأحنه مثل الزمايل بس أنباوع عليكم ..وهاي فرصه لكل الاحزاب المجاهده والكتل الكونكريتيه المناضله اللي عدها شي أن تطلع العراقيين الجبناء .. ليش أبو سراوي أيدافع على خونة سراق المال العام ويدزهم بره  وبعدين أيرجعهم بصفة نايب بالبرلمان.. وليش ما يأمر القضاء وهو الان تحت تصرفه بألقاء القبض على كل من تسبب في نهب وقتل وتهجير الشعب الطايح حظه.. بس أنريد العداله ومو بس من السنه..
أحنه لحد اليوم منعرف شنو الاختلاف بين حكومة المركز وحكومة أقليم كردستان ..بس علمود تصدير النفط والمناطق المتعارك عليها لو أكو أتفاقات من جوى العبايه والاثنين ميريدون الشعب يعرف بيها..وأكو وفد كوردي بواشنطن شنو كاعد أيسوي..أكو أشارات أمريكيه بتقسيم العراق وأكو ترحيب كوردي عليها شنو السبب..نتقسم أحسن ونصير أمارات لو يبقى العراق واحد موحد.. خلونه يا جماعه نعرف أحنه وين رايحين..وضحولنه ليش لحد اليوم ما عدنه دوله وبيها مؤسسات من صدك..عشر سنين وتحالف سخت وجماعة موزه سابينه سباية الحسين..عشر سنين يجي حازم الشعلان وزياد القطان وخمطو الملايين وراحو..عشر سنين وصابر العيساوي يضحك علينه وعود راح أيشربنه مي مهيل ..عشر سنين وجاسم محمد جعفر راح يبني ملعب طوبه..عشر سنين والنجيفي يبني مزارع أباعر وطليان بروس الطليان ..عشر سنين وأحنه نسمع الجذاب أبن الجلب الشهرستاني والعيفان الخايس راح العراق أيصدر طاقه مصخمه بوجوهم..عشر سنين والتعليم العالي بيد صخل همه شلون يكضي على العقول العراقيه ويربط ثقافتنه الحلوه ويه ثقافة سخت..عشر سنين صار بيها الزاني أمام والجلاد هو الضحيه..عشر سنين وأحنه نتقشمر وينضحك علينه وأحنه الخامط أمودعينه والراد أيصير نايب بالبرلمان..
هاي مهزله والله وتعبنه..وراح أكرر..همه ثمانيه وستين جلب وأحنه يا عالم تلاثه وتلاثين مليون نايم..ذوله يتحكمون بمصيرنه ومستقبل بلدنه.. ولا تصدكون اللي راح يجي هو أيحب وطنه وشعبه..ولا دكولولي هذا المرشح أيخاف الله ورايح للحج خمس مرات..ذوله كدامكم..هذا الحجي وهذا أبن العلويه..وهذا الشيخ..وهذا السيد..وهذا أبن الكحبه..كلهم خره وما بيهم واحد أنزكيه..بس يصعد ويكعد على الكرسي ينسى أمه اللي جابته..
وهم راح أنكرر طلبنه..أستضافة نوري المالكي أنريدها علنيه ومفتوحه لكل وسائل الاعلام..
وما خفي كان أعظم