جيبوهم _ 1
منذ تشكيل اول حكومة بعد السقوط، كانت هناك وزارة تحت مسمى "وزارة الاهوار" واضفنا لها تهكما "والزوري"، عام 2007 أُطلقت مبادرة وطنية (جدا) أسموها "انعاشالاهوار، وعلق حشاش حينها: شدلها مغذي وضخلها ادرنالين !!! تم رصد مبلغ لها قدره 2,000,000,000( بلي ملياري دولار,اكرر دولااااار)، تم تخصيص الجزء الاكبر منه لبناء احياء سكنية لعرب الاهوار!! ليش اكو غيرهم تحت مسمى آخر؟ المهم المشروع عبارة عن خمسة الاف بيت, كلفة البيت الواحد 64 الف دولار، حينها خوالنا المعدان كَالولهم :عمي انطونا ربع هاي الفلوس نشتري بيها جاموس وضخوا ماي والاهوار تنتعش من كيفها يشيبي، كَالولهم لالالالا نريدكم ان تلحقوا بـ( ركب) الحضارة، جاخوش الحقونا قابل شورانا؟ من الـ 2007 ولحد الان ،ماأُنجز من المشروع كله هو مايظهر في الصورة فقط، فقط لاغير.
الاهوار جفّت مجددا
الوزارة أُلغيت ضمن الترشيق الحكومي
الوزير حسن الساري عرّاب الفشل رشح لمجلس النواب ولا ادري هل هو عضو برلمان الان ام عُيّن مستشارا لخبرته"بالانعاش"
الشركة، واسمها شركة حسام الدين ، اخذت الفلوس وهسه تطكَ بعلجها، حتى قبل شوية ضربت دقلة بالهوا من سمعت المالكي يكَول :على الحكومة محاسبة الفاسدين.
المعدان مزوهرين
وركب الحضارة ابو مليارين طلع يْنفّس
شريف سعود
