Sometimes it takes a long time. Please wait...
|
على لسان البرلمان ! بقلم/ محمد حلمي مصطفى |
الجمعة, شباط 13, 2015
|
بيقولـِّى البرلمان ..
بتمنى مـ الرحمن ..
ما يخطى عتبتى إلا ..
النائب الإنسان !
اللى بيوفى بوعوده ..
واللى بيعرف حدوده ..
واللى يخلى الضعيف ..
صالب بالحق عوده !
واللى بيبقى الإخلاص ..
لحياته وشغله أساس ..
واللى يعُول المحتاج ..
ويداوى جراح الناس !
واللى ما يعرفش ينافق ..
وكلامه حقيقى وصادق ..
ولا يسرق مال الدولة ..
ولا يقدر يعصى الخالق !
قولتله وياك أنا بحلم ..
إننا مـ الأول نفهم ..
مقدار المسئولية ..
أحسن فـ الأخر نندم !
وبإذن الله مولانا ..
نختار اللى ما ينسانا ..
وقلوب نوابنا تكون ..
ببذور الخير مليانة !
اقرأ ايضاً
|