شوفو يا جماعه..والله حقه أبو سراوي يطلب ولايه ثالثه..هذا سحر الكرسي الملعون ..واللي يكعد عليه أيحس براحه ويشعر نفسه هو فوك الجميع..الامر الناهي .. والخدم والحشم والاهم مفتاح القاصه الجبيره عنده ..وتصير عنده طياره خاصه وهم بيها كرسي محد يكعد بيه ألا ط.. أبو سراوي ..ومن يلزك الكرسي بط.. واحد محد يكدر أيهده ..لان هذا الطيز أتعلم على هذا الكرسي وبالعكس وهاي فلسفه جدليه مو من جيبي ..وطبعا هذا شي مجرب ..وعلماء النفس أيفسرون هذا الشي أنو الط.. يفرز شحنات كهرومغناطيسيه بأتجاه جلد الكرسي فتكون علاقه كلش قويه تربط الاثنين ..

شوفو كرسي مام جلال فارغ ..لان ماكو ط.. يرهم على  كرسي الريس مالتنه..وراح تبقى هاي الاشكاليه قائمه .. ألا أذا صنعو كرسي يرهم على ط.. الريس الجديد أدام الله ط.. ريسنه .. أصديم كعد عليه خمسه وتلاثين سنه ومحد كدر أيشلعه من مكانه ألا اللي كعده عليه ..ويا دوبك أبو سراوي أتعلم ط..ه عالكرسي وصارت هاي الجدليه المغناطيسيه بين الاثنين .. بعد منو يكدر أيشلعه.. فلازم ولابد أن يبقى بولايه ثالثه شئتم أم أبيتم يا شعب يا خايس .. هسه لو طي...تكم الجايفه  ترهم على الكراسي هم ميخالف عبالكم يا ط.. أيريد يكعد, يكعد براحته .. لا عيني لا .. وهسه وبعد أن قوى وصمد ط.. أبو سراوي عالكرسي بوجه المطر والفيضان والقاعده والفساد وصارت علاقه.. يجي البرلمان ويصوت على بس ولايتين .. جاه منهو أليشلع ط... أبو سراوي من هذا الكرسي .. ما ممكن أيصير ..هذا الكرسي أمرتب على ط... أبو سراوي بتلاث ولايات ..

زعماء الغرب ميكعدون فتره طويله عالكراسي..فتشوفهم يتمشون بالمكتب لو يوكفون يعني مو لزكه ..ومرات هوايه أيبدلون الكراسي مالتهم كل شهر حتى لا يصير تناغم بين مقاعدهم وجلد الكراسي ..زعمائنه العرب ومنهم القاده العراقيين ولو أحنه ما عدنه قاده بالمصطلح السياسي بس خلي أنكول مافيات أحسن ..حتى من أيطب للحمام ياخذ الكرسي وياه..وأكو مافيات بأحزاب عراقيه حتى من أينام شايل وياه الكرسي..أيخاف يجي واحد ويحط  طيزه عالكرسي مالته وتصير جدليه وأبو الشباب يلزك وتصير هوسه ومحد أيشلعه حتى لو أربعه أرهاب يطبعها بكصته..

وهاي صايره ومو من عندي..فد يوم أبو سراوي راد أيبدل محافظ ودزله قرار نقله الى مكان أخر..سته أشهر بس أيريدون أيشلعون المحافظ من مكانه مكدرو..أثاري هذا المحافظ جان أينام وياكل ويسوي كل شغلاته على هذا الكرسي..وتسبب فصل طيز المحافظ عن كرسيه الى وفاة المحافظ.. نصيحه الى مافياتنه وعصاباتنه أن ميكعدون فتره طويله عالكراسي, وأن يجري بين فتره وأخرى تبديل الكرسي بأخر..

وما خفي كان أعظم