الامام اللي ميشور أيسموه أبو الخرك ..وأحنه أنكول الحكومه اللي ما بيها خير..يا هو أليجي يركبها..وهمات أحنه أنكول طيح الله حظ حكومه تتحرك بأوامر أيرانيه وتسمي نفسها حكومه.. وأعتقد أن الاوان  للعب عالمكشوف ..وهسه كلشي واضح وبان عالطبيعه .. وأنكول يا أبو سراوي طلعتو أنتو أصحاب الاجندات والشعب العفطي سلاح زز وهب بياض.. وكل مره حزب اللغوه يتهم شعبنه في الموصل والرمادي وصلاح الدين  بأصحاب أجندات خارجيه .. ولمن أجاكم الاوكي ..راح تفتحون الطريق وتخلون الجياف أيصلون الجمعه بأبي حنيفه.. والادهى واللي أيضحك قايد عمليات دجله يأمر سيطراته بتوزيع بطالة مي وعصير على المصلين بس مكال نوع المي والعصاير.. يعني هاي مكرمه من أبو سراوي مثل كبل  جان أبو عدي يحصرنه حصر وبعدين أيفك الحصار وتشتغل الهلاهل والركص وتصير مكرمه..  وشعبنه أبو الدفرات أتعلم على المكرمات السخيه .. كل هاي بس أحنه ما ننسى فسادهم وصفقاتهم المشبوهه وهاي خوش طريقه حتى كلشي يحترك ويروح مثل شغله الهجوم على وزارة العدل .. جان لعبتو غيرها .. أربعه مهاجمين تره متخش بالعقل ..يعني أتريدون أتقنعون المطايا بهاي القصه الهوليوديه..صحيح هذا الشعب أيصدك كلشي  وتكدرون أتضحكون عليه..بس لو ما حاركين الطابق الثالث جان عبرت وخوش سيناريو أو جان أيحركون البنايه كلها مو بس طابقين .. وأرجع وأكول ليش الثالث يا حسن الشمري ..

أكو هوايه أمور دا تنكشف شويه شويه..مرات عن قصد وهمه أيريدوها تنكشف..ومرات لا لان ما تعبر عالعراقيين..وياما كلنه وحجينه أنو أبو سراوي يستلم الاوامر من سليماني صاحب الملف العراقي اللي بيده العراق كله..لو تجي عن طريق هدو العامري مباشرة .. وبالمقابل العرب السنه هم أنكشفو وصارو بصريح العباره يحجون .. موزه وأردوغان وحتى الكويت أيضخون بهاي الملايين وميلحكون ..ليش.. حتى أيفشلون حكومه المالكي اللي هيه أصلا فاشله من الولاده..الشعب أبو ضرطه واكع بين خامنئي ونجاد من طرف ومن عكد أخر موزه وجماعتها..وينطي بالدم وميلحك..وحتى نضرب هاي المخططات أسأل..بس أسأل والله..

 ليش مو المرجعيه مالتنه اللي بالنجف..أتسوي لقاء ويه علماء ومشايخ الدين السنه..ويسون بساط أحمدي..ويخلون النقاط على الحروف..ومقترحاتهم تشك شك اللي ما يتلزم بيها حكومه وبرلمان .. وتصير خارطة طريق يمشي عليها الصخوله والنهابه ..وأذا ما نفذها بحق الطرفين..ذيج الساعه أيصير حساب وكتاب..معقوله المرجعيه متباوع عالوضع اللي صاير ودا يمشي بسرعه للحضيض..ماكو ناس طيبه تنقل هاي المأسي اللي أيعيشها العراقيين..لعد شوكت تتدخل المرجعيه..وشنو وجودها بحياة البشر.. تقبل الله أيحاسبها على صمتها والناس كاعده تنزف دم.. شنو شغلها بس تلغف الخمس والزكاة وتنطي خطوطها لخطبه يوم الجمعه.. وأذا المرجعيه موقفها مثل أمريكا وأيران بس أيباوعون.. منريد رد من أبن المرجعيه..أنريد رد المرجعيه نفسها..والمرجعيه اللي تشوف وتغلس تره حرام!!

شوفو الكنيسه الكاثوليكيه اللي بيها 115 كاردينال من كل العالم..الثلاثاء مكدرت تتوصل الى أتفاق بتسميه البابا..الاربعاء أتوصلو وطار الدخان الابيض للسما..وأحنه عدنه خمس مكاميع صارلهم عشر سنين لا شفنه أبيض ولا أسود بس خراهم وجيفتهم..ما أدري جم دوب نبقى ننتظر دخانهم الابيض ..ومتى ما همه يرتاحون ذاك الوكت أحنه نرتاح ونعرف طريقنه بيا أتجاه..ويبين ماكو راحه يا عراقيين..أذا هيه الشيعه نفسها ممتفقى ويه بعضها شلون راح يتفقون ويه السنه..من أنعل ساعه الكشره اللي أجينه بيها بالعراق الفاسد..

وما خفي كان أعظم