أعضاء دولة القولون مخابيل وتافهين ويمكن تافل بحلوكم أبو سراوي.. لان ولا صخل ولا نعجه بيهم أدان أو أستنكر أو شجب مجزرة الحويجه.. وكانت تصريحاتهم الشمطاء تؤكد تفاهاتهم وكأنهم عايشين في وادي أخر ..وكأن شعب الحويجه كفره زنادقه عبدة الطاغوت ونبيهم النجيفي .. ولان نوري المالكي عند أعضاء دولة القولون هو النبي المعصوم الامين الحافظ الاحسن القوي الذي لا يخطأ.. وهو المنقذ وصاحب العصر والمختار اللي بيده مفاتيح الحلول لكل الازمات اللي يفتعلها .. وصاحب منجزات أكوام الزباله في عاصمة الثقافة العربيه والمحافظات التابعة لولايته, وبفضله تحدينا العالم بأرقام البطاله حتى تمكنا بحسن أدارته للحكومه أن نفتتح مقاهي لاستيعاب العاطلين عن العمل ,وأصبحنا بالخط الاخير من الفقر ونحن في الكرن الواحد والعشرين وننام على بحيرات من النفط , وعدنه ناس تفرش الارض وتنام بلا سكف ولا جدران وتشرب مي المجاري والانهر..وبفضل حنكته السياسيه الحارقه والخارقه صار يضرب الجيش بالشعب ..وعلى مدار ولايتين حافلتين بالعزل والهدم وفضايح البوك اللي والحمد لله وصلت للاعلام الاوربي وعلى الصفحات الاولى.. ماكو جايف بدولة القولون وكف وكال يا مالكي تره هذا حرام اللي جاي أتسويه بالشعب.. أني أخاف الله وأنسحب من حزبك..أكو هيجي شريف وطني أبن أمه وأبوه يرفع راس العراقيين حتى أنحط  أيدنه بيده..لازم أكو.. تعرفون ليش..لان شعب العراق سيد ويشور وكلمن عذب هذا العراق تلكيه لو يحترك بالسما لو أيخرف وميعرف هو منو لو يلكوه بحفره مثل الفار..وربنا جبير وكاعد أيباوع على حالنه.. وكل يوم أيكول بلكي أبو سراوي يرعوي( هاي الكلمه كالها الحجي الجعفري وما أعرف معناها شنو ) ..بس مدا أيفيد وياه..شوفو شلون ضربة العزيز الجليل..شفناها والله العظيم شفناها..
جان عدنه مثل كبل يمكن بعده ويستخدموه بنطاق ضيق..كثر الدك أيفك اللحيم..وهذا الشعب هوايه شبع دك..من أول يوم أنولد وهو مدكوك ..وتره أمريكا بجلالتها ما كدرت أتسقط الدكتاتوريه لو ما أرادة هذا الشعب اللي شاف الويل والثبور وأكل خره بأثنين أيده وأنفك اللحيم وطلع الشعب البسيط بثوره ضد الظلم والاستبداد..فالمالكي جاعد يلعب بنفس الخطه اللي لعب بيها أبو عدي..جور وأضطهاد وتكميم أفواه وحصار مدن وشعب وأعتقالات ومداهمات ومجازر وأعدامات..هاي الديمقراطيه اللي جابها الرفيق بريمر وأسس بيها حكومة نوري المالكي.. وشكل مافيات لعبت جوله بهذا الوطن.. وأنطى السماح للكثير من المنظمات الارهابيه العالميه أن تسوي بحوثها على العراقيين ..ولادات مشوهه..حيوانات مفترسه ما شايفها العراقي من كبل..تماسيح في البحيرات والانهر..أمراض وأوبئه بالعشرات تم نشرها بين العراقيين وهاي ما سوته الولايات المتحده بأفريقيا وصارو الناس هناك تجارب لعلماء الغرب..
من أجل هذا كله أكول لاعضاء دولة القولون.. اللي يوكف ويه الحق والعدل هذا وطني ونزيه بس اللي لسانه أيدافع عن الحراميه وقطاع الطرق واللي يأكلون فليسات الشعب ويشوف بعينه الظلم والتمييز بين أهله وناسه ويسكت , تره لا أيفيده المالكي ولا علاوي وأنتو شفتو بعيونكم أقزام صديم الملعون وين صارو وشلون حالهم..وهاي الرب في العلى ينطي أشارات للعبد ويريد من هذا الجلب أن يرعوي ويخاف يوم تره كلش قريب يا جماعه القولون..اللهم أشهد ذوله اللي باعو العراق والعراقيين..
وما خفي كان أعظم